4 மாதங்களுக்கு மேலாக ஆதரவற்றவர்களுக்கு உணவு அளித்து சூர்யாவின் ரசிகர்கள் பாராட்டுகளை பெற்றுவருகின்றனர்.
நான்கு மாதங்களுக்கு மேலாக சென்னையில் பல்வேறு இடங்களில் சாலை ஓரங்களில் வசிக்கும் மக்களுக்கு நடிகர் சூர்யா நற்பணி இயக்கம் சார்பில் தினமும் உணவு வழங்கப்பட்டு வருகிறது. அகரம் அறக்கட்டளை மூலம் நடிகர் சூர்யா கடந்த பல ஆண்டுகளாக ஏழை எளிய மாணவ மாணவிகளின் கல்விக்காக உதவி செய்து வருகிறார். அவருடைய ரசிகர்கள் நற்பணி இயக்கம் மூலம் பல்வேறு உதவிகளை செய்து வருகின்றனர்.
இதற்கிடையில் கடந்த மார்ச் மாதம் கொரோனா தொற்றினால் நாடு முழுவதும் ஊரடங்கு கடைபிடிக்கப்பட்டு வருகிறது. இந்த நிலையில் சென்னை திரு.வி.க நகர் மண்டலத்திற்கு உட்பட்ட பகுதிகளில் தினமும் இலவசமாக மதியம் மற்றும் இரவு உணவுகளை சூர்யா ரசிகர்கள் நான்கு மாதங்களுக்கு மேலாக வழங்கி வருகின்றனர். இரவு நேரங்களில் சென்ட்ரல் ரயில் நிலையத்தில் ஆதரவற்று இருப்பவர்களுக்கும், அவர்கள் உதவி செய்து வருகின்றனர்.