பிரியாணி மாஸ்டர் பூங்காவில் சடலமாக மீட்கப்பட்ட சம்பவம் பரபரப்பை ஏற்படுத்தியுள்ளது.
திருச்சி மாவட்டத்தில் உள்ள இதாயத் நகர் பகுதியில் முகமது இஸ்மாயில் என்பவர் வசித்து வந்துள்ளார். இவர் குவைத் நாட்டில் வேலை பார்த்து விட்டு கடந்த 2 மாதங்களுக்கு முன்பு தனது ஊருக்கு வந்துள்ளார். முகமது அப்பகுதியில் உள்ள ஒரு கடையில் பிரியாணி மாஸ்டராக பணிபுரிந்து வந்துள்ளார். இந்நிலையில் உய்யகொண்டான் வாய்க்கால் கரையோரம் இருக்கும் ஒரு சிறிய பூங்காவில் முகமது சடலமாக கிடந்துள்ளார்.
இதை பார்த்து அதிர்ச்சி அடைந்தவர்கள் தில்லை நகர் காவல் துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து வந்த காவல்துறையினர் அவரின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் அளவுக்கு அதிகமாக மது குடித்ததால் அவர் இறந்தாரா அல்லது அவரது இறப்பில் வேறு ஏதேனும் காரணம் உள்ளதா என்ற கோணத்தில் தீவிர விசாரணை மேற்கொண்டு வருகின்றனர்.