குப்பைகளை தரம் பிரிக்கும் விவகாரத்தில் துப்புரவு பணியாளர் கத்தியால் குத்தப்பட்ட சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள நாகல்கேணி பகுதியில் கோட்டையா என்பவர் வசித்து வருகிறார். இவர் தூய்மை பணியாளராக பல்லாவரம் நகராட்சி அலுவலகத்தில் பணிபுரிந்து வந்துள்ளார். இந்நிலையில் கோட்டையாவும் , ஆதிகேசவன் என்ற சக தூய்மை பணியாளரும் இணைந்து நியூ காலனி பகுதியில் உள்ள பிரதான சாலையில் குப்பைகளை சேகரித்து வாகனத்தில் ஏற்றி உள்ளனர். அப்போது அந்த குப்பைகளில் கிடந்த பிளாஸ்டிக் பைகளை தரம் பிரிப்பது தொடர்பாக கோட்டையா மற்றும் ஆதிகேசவன் ஆகிய இருவருக்கும் இடையே வாக்குவாதம் எற்பட்டுள்ளது.
அப்போது கோபமடைந்த ஆதிகேசவன் தான் மறைத்து வைத்திருந்த கத்தியை எடுத்து கொட்டையாவின் இடது பக்கம் முதுகில் குத்தி விட்டு அங்கிருந்து தப்பி சென்றுவிட்டார். இதனையடுத்து அருகில் உள்ளவர்கள் அவரை மீட்டு சிகிச்சைக்காக குரோம்பேட்டை அரசு மருத்துவமனைக்கு அழைத்து சென்றுள்ளனர். இச்சம்பவம் குறித்து வழக்குப்பதிவு செய்த குரோம்பேட்டை காவல்துறையினர் தப்பி ஓடிய ஆதிகேசவனை வலைவீசி தேடி வருகின்றனர்.