இந்த ஆண்டுக்கான டி20 உலக கோப்பை போட்டி வருகின்ற அக்டோபர் மாதம் 17 ம் தேதி அமீரகத்தில் நடத்த ஐசிசி முடிவு செய்துள்ளதாக தகவல்கள் வெளியாகியுள்ளது .
7 -வது டி20 உலகக்கோப்பை போட்டி வருகின்ற அக்டோபர்- நவம்பர் மாதங்களில் இந்தியாவில் நடத்த திட்டமிடப்பட்டிருந்தது. ஆனால் இந்தியாவில் கொரோனா தொற்று பரவல் காரணமாக டி20 உலக கோப்பை போட்டி ஐக்கிய அரபு அமீரகத்திற்கு மாற்றப்பட உள்ளது. இது குறித்து அதிகாரப்பூர்வமான அறிவிப்பு வெளியாகவில்லை என்றாலும் போட்டி நடத்துவதற்கான முதற்கட்ட பணிகளை ஐசிசி தொடங்கியுள்ளது . இந்த நிலையில் கொரோனா தொற்று காரணமாக ஒத்திவைக்கப்பட்ட ஐபிஎல் தொடரில் மீதமுள்ள போட்டிகள் வருகின்ற செப்டம்பர் 19-ஆம் தேதி முதல் தொடங்கி அக்டோபர் 15-ஆம் தேதி வரை ஐக்கிய அரபு அமீரகத்தில் நடத்த உத்தேசிக்கப்பட்டுள்ளது .
இந்த நிலையில் டி20 உலகக்கோப்பை போட்டி வருகின்ற அக்டோபர் மாதம் 17ஆம் தேதி முதல் தொடங்கி நவம்பர் மாதம் 14ஆம் தேதி வரை ஐக்கிய அரபு அமீரகத்தில் உள்ள துபாய் சார்ஜா மற்றும் அபுதாபி ஆகிய நகரங்களில் போட்டியை நடத்த ஐசிசி முடிவு செய்துள்ளதாகவும், இதில் போட்டியின் தொடக்க ஆட்டங்கள் ஓமனில் நடைபெற இருப்பதாகவும் தகவல்கள் வெளியாகியுள்ளன