2021 ஆம் ஆண்டுக்கான டி20 உலக கோப்பை போட்டி ஐக்கிய அரபு அமீரகத்தில் நடத்தப்படும் என்று பிசிசிஐ தலைவர் சவுரவ் கங்குலி தெரிவித்துள்ளார்.
2021 ஆம் ஆண்டுக்கான டி20 உலக கோப்பை போட்டி வருகின்ற அக்டோபர் – நவம்பர் மாதங்களில் இந்தியாவில் நடத்த திட்டமிடப்பட்டிருந்தது. ஆனால் தற்போது இந்தியாவில் கொரோனா தொற்று பரவல் காரணமாக ஐக்கிய அரபு அமீரகத்திற்கு மாற்றப்பட்டுள்ளதாக பிசிசிஐ செயலாளர் ஜெய்ஷா தெரிவித்துள்ளார்.இந்த தகவலை இந்திய கிரிக்கெட் வாரியம் ஐசிசி-யிடம் இன்று தெரிவித்துள்ளது. இதனை பிசிசிஐ தலைவர் சவுரவ் கங்குலியும் தெரிவித்துள்ளார்.
இந்த டி20 உலகக்கோப்பை போட்டி அக்டோபர் 17ஆம் தேதி முதல் நவம்பர் 14ஆம் தேதி வரை நடைபெறும் என எதிர்பார்க்கப்படுகிறது . இந்தப் போட்டிக்கு முன்பாக மீதமுள்ள ஐபிஎல் போட்டியை நடத்தி முடிக்க பிசிசிஐ முடிவு செய்துள்ளது. இந்த டி20 உலக கோப்பை போட்டி ஐக்கிய அரபு அமீரகத்தில் நடைபெற்றாலும் இந்த தொடரை ஹோஸ்ட் செய்வது பிசிசிஐ தான் என ஐசிசி முன்பே அறிவித்திருந்தது குறிப்பிடத்தக்கது.