டி20 உலகக் கோப்பை தொடரில் ஓமன் அணிக்கெதிரான ஆட்டத்தில் வங்காளதேச அணி 26 ரன்கள் வித்தியாசத்தில் அபார வெற்றி பெற்றது.
7-வது டி20 உலகக் கோப்பை தொடரில் நடந்த தகுதிச்சுற்று ஆட்டத்தில் வங்காளதேசம் – ஓமன் அணிகள் மோதின. இதில் டாஸ் வென்ற வங்காளதேசம் அணி பேட்டிங்கை தேர்ந்தெடுத்தது. அதன்படி முதலில் களமிறங்கிய வங்காளதேச அணி 20 ஓவர் முடிவில் அனைத்து விக்கெட் இழப்புக்கு 153 ரன்கள் எடுத்தது. இதில் அதிகபட்சமாக நைம் 64 ரன்கள் குவித்தார். ஓமன் அணி தரப்பில் பிலால் கான் மற்றும் பய்யாஸ் பட் தலா 3 விக்கெட் கைப்பற்றினர் .
இதன்பிறகு 154 ரன்களை வெற்றி இலக்காக கொண்டு ஓமன் அணி களமிறங்கியது. ஆனால் வங்காளதேச அணியின் பந்துவீச்சை சமாளிக்க முடியாமல் ஓமன் அணி திணறியது .இறுதியாக 20 ஓவர் முடிவில் 9 விக்கெட் இழப்புக்கு 127 ரன்னில் சுருண்டது .இதனால் 26 ரன்கள் வித்தியாசத்தில் வங்காளதேச அணி அபார வெற்றி பெற்றது ,வங்காளதேச அணி சார்பில் முஸ்தபிஷிர் ரஹ்மான் 4 விக்கெட்டும், ஷகிப் அல் ஹசன் 3 விக்கெட்டும் கைப்பற்றினர்.