8ஆவது டி20 உலக கோப்பை கிரிக்கெட் போட்டி ஆஸ்திரேலியாவில் கடந்த 16ஆம் தேதி தொடங்கிய நிலையில் நவம்பர் 13ஆம் தேதி வரை நடைபெறுகிறது. இதில் முதல் கட்டமாக தகுதிச்சுற்று போட்டிகள் அனைத்தும் முடிவடைந்த நிலையில், தற்போது சூப்பர் 12 போட்டி விறுவிறுப்பாக நடைபெற்று வருகிறது. இந்திய அணி இன்று பரம எதிரியாக கருதப்படும் பாகிஸ்தான அணியை மெல்போர்ன் கிரிக்கெட் மைதானத்தில் எதிர் கொண்டது.
பாபர் அசாம் தலைமையில் பாகிஸ்தான் படையும், ரோஹித் சர்மா தலைமையில் இந்திய படையும் இன்று மோதும் போட்டி உலக கிரிக்கெட் ரசிகர்கள் இடையே பெரும் எதிர்பார்ப்பை ஏற்படுத்திய நிலையில், டாஸ் வென்ற இந்திய அணி பந்துவீச்சை தேர்வு செய்துள்ளது. இதனால் பாகிஸ்தான் அணி பேட்டிங் ஆடி வருகின்றது. இதையடுத்து பாகிஸ்தான் அணியின் தொடக்க வீரராக முகம்மது ரிஸ்வான் மற்றும் பாபர் அசாம் களமிறங்கினர்.
2ஆவது ஓவரை வீசிய அர்ஷ்தீப் சிங்கின் முதல் பந்தில் பாகிஸ்தான் வீரர் பாபர் அசாம் டக் அவுட் ஆன நிலையில் பாகிஸ்தான் அணியின் ஸ்கோர் 15 இருந்த போது முகம்மது ரிஸ்வான் அர்ஷ்தீப் சிங் பந்தில் ஆட்டமிழந்தார். பின்னர் பொறுப்புடன் ஆடிய இப்திகார் அகமது – ஷான் மசூத் ஜோடி அணியை சரிவில் இருந்து மீட்டது. சிறப்பாக ஆடிய இப்திகார் அகமது 51 ரன்னை 34 பந்தில் எடுத்து ஷமி பந்தில் ஆட்டமிழக்க மீண்டும் பாகிஸ்தான் விக்கெட் சீட்டுக்கட்டாய் சரிந்தது.
ஷாத்ப் கான் 5 ரன்னிலும், ஹைதர் அலி 2 ரன்னிலும், நவாஸ் 9 ரன்னிலும், ஆசிப் அலி 2 ரன்னிலும் ஆட்டமிழந்தனர். கடைசி நேரம் வரை பொறுமையாக ஆடிய ஷான் மசூத் 40 பந்தில் 50 ரன் எடுத்தார். 19ஆவது ஓவரில் 6,4 என ஷஹீன் அப்ரிடி அதிரடி காட்ட, புவனேஷ்குமார் வீசிய 20ஆவது ஓவர் 2 பந்தில் ஷஹீன் அப்ரிடி 8 பந்தில் 16 எடுத்து ஆட்டமிழந்தார்.
பின்னர் களமிறங்கிய ஹரிஸ் ரவூப் முதல் பந்திலே சிக்ஸ் அடிக்க பாகிஸ்தான் அணி 20 ஓவரில் 8 விக்கெட் இழப்புக்கு 159 ரன்கள் எடுத்து. இந்திய அணி சார்பில் அர்ஷ்தீப் சிங், ஹர்திக் பாண்டியா தலா 3 விக்கெட்டும், முகமது ஷமி , புவனேஷ்குமார் தலா 1 விக்கெட்டும் எடுத்தனர். கடைசி 10 ஓவரில் பாகிஸ்தான் அணி 100 ரன் எடுத்து குறிப்பிடத்தக்கது.
ஷான் மசூத்* 52
ஹரிஸ் ரவூப்* 4