#T20WorldCup : இன்று தொடங்குகிறது சூப்பர் 12 சுற்று…. “4 அணிகள் மோதுகிறது”…. யார் யாருடன்?

டி20 உலகக்கோப்பை சூப்பர் 12 சுற்றில் இன்று மொத்தம் 2 போட்டிகள் நடைபெறுகிறது..

ஆஸ்திரேலியாவில் ஐசிசி டி20 உலகக் கோப்பை கிரிக்கெட் தொடர் தகுதிச்சுற்று போட்டிகள் கடந்த 16ஆம் தேதி தொடங்கிய நிலையில், நேற்றுடன் அனைத்து தகுதி சுற்று ஆட்டங்களும் முடிவடைந்து விட்டது.. இதில் குரூப் ஏ பிரிவில் இலங்கை, நெதர்லாந்து, நமிபியா, ஐக்கிய அரபு அமீரகம் மற்றும் குரூப் பி பிரிவில் ஸ்காட்லாந்து, ஜிம்பாப்வே, வெஸ்ட் இண்டீஸ், அயர்லாந்து ஆகிய 8 அணிகள் தகுதி சுற்றில் இடம்பெற்றன. ஒவ்வொரு அணியும் தங்களது பிரிவில் உள்ள அணிகளுடன் தலா ஒருமுறை மோதியது. அதன்படி ஒவ்வொரு அணியும் தலா 3 போட்டிகள் விளையாடியது. இதன் முடிவில் 4 அணிகள் சூப்பர் 12 சுற்றுக்கு தகுதி பெற்றுள்ளது.

அதன்படி குரூப் ஏ பிரிவில் இலங்கை மற்றும் நெதர்லாந்து அணிகள் சூப்பர் 12 சுற்றுக்கு தகுதி பெற்றது. அதேபோல குரூப் பி பிரிவில் அயர்லாந்து மற்றும் ஜிம்பாப்வே அணிகள் சூப்பர் 12 சுற்றுக்கு தகுதி பெற்றுள்ளது. இதனால் சூப்பர் 12 சுற்றிலுள்ள குரூப் 1 பிரிவில் ஆப்கானிஸ்தான், ஆஸ்திரேலியா, இங்கிலாந்து, அயர்லாந்து, நியூசிலாந்து,  இலங்கை ஆகிய 6 அணிகள் இடம் பிடித்துள்ளது. குரூப் 2 பிரிவில் வங்கதேசம், இந்தியா, நெதர்லாந்து, பாகிஸ்தான், தென்னாப்பிரிக்கா, ஜிம்பாப்வே ஆகிய 6 அணிகள் இடம்பெற்றுள்ளன.. ஒட்டுமொத்தமாக 12 அணிகள் சூப்பர் 12ல் இருக்கின்றன.

இந்நிலையில் சூப்பர் 12 சுற்றில் இன்று 2 போட்டிகள் நடைபெறுகிறது.. அதில் முதலாவதாக குரூப் 1 பிரிவிலுள்ள ஆஸ்திரேலியா மற்றும் நியூசிலாந்து அணிகள் இன்று (அக்.,22 ஆம் தேதி) இந்திய நேரப்படி மதியம் 12:30 மணிக்கு மோதுகின்றன. அதன்பின் ஆப்கானிஸ்தான் மற்றும் இங்கிலாந்து அணிகள் இன்று (அக்டோபர் 22ஆம் தேதி) இந்திய நேரப்படி மாலை 4:30 மணிக்கு பெர்த்தில் விளையாடுகின்றன. இந்த 2 போட்டிகளும் ரசிகர்களுக்கு விருந்தாக அமையும் என்பதில் சந்தேகமில்லை..

ப்ளேயிங் XIகள் கணிக்கப்பட்டது :

ஆஸ்திரேலியா அணி :

டேவிட் வார்னர், ஆரோன் பின்ச், மிட்செல் மார்ஷ், கிளென் மேக்ஸ்வெல், மார்கஸ் ஸ்டோனிஸ், டிம் டேவிட், மேத்யூ வேட், பாட் கம்மின்ஸ், மிட்செல் ஸ்டார்க், ஆடம் ஜம்பா, ஜோஷ் ஹேசில்வுட்.

நியூசிலாந்து அணி :

மார்ட்டின் கப்டில், ஃபின் ஆலன், டெவோன் கான்வே, கேன் வில்லியம்சன், க்ளென் பிலிப்ஸ், மைக்கேல் பிரேஸ்வெல், ஜிம்மி நீஷம், மிட்செல் சான்ட்னர், டிம் சவுத்தி, டிரென்ட் போல்ட், ஆடம் மில்னே

ப்ளேயிங் XIகள் கணிக்கப்பட்டது :

இங்கிலாந்து அணி :

ஜோஸ் பட்லர் (c & wk), அலெக்ஸ் ஹேல்ஸ், பென் ஸ்டோக்ஸ், லியாம் லிவிங்ஸ்டோன், ஹாரி புரூக், மொயீன் அலி, சாம் கர்ரன், கிறிஸ் வோக்ஸ், கிறிஸ் ஜோர்டான், அடில் ரஷித், மார்க் வூட்.

ஆப்கானிஸ்தான் அணி :

ரஹ்மானுல்லா குர்பாஸ் (வி.கீ ), ஹஸ்ரத்துல்லாஹ் ஜசாய், நஜிபுல்லா சத்ரான், இப்ராஹிம் சத்ரான் உஸ்மான் கனி, முகமது நபி (கே), ஃபரீத் அஹ்மத் மாலிக், ரஷித் கான், நவீன்-உல்-ஹக், முஜீப் உர் ரஹ்மான், ஃபசல்ஹாக்.

https://twitter.com/masihatossline/status/1583570861579472896

Categories