சூப்பர் 12 போட்டியில் இன்று ஜிம்பாப்வே மற்றும் நெதர்லாந்து அணிகள் மோதுகிறது.
2022 டி20 உலகக் கோப்பையின் 34வது போட்டியில் ஜிம்பாப்வே மற்றும் நெதர்லாந்து அணிகள் இன்று (நவம்பர்02) அடிலெய்டு ஓவல் மைதானத்தில் இந்திய நேரப்படி காலை 09:30 மணிக்கு மோதுகின்றன. நடப்பு உலகக் கோப்பையின் முதல் போட்டியை இந்த மைதானம் நடத்துகிறது, அதைத் தொடர்ந்து இந்தியா வங்கதேசத்துடன் இதே மைதானத்தில் மோதுகிறது. 3 போட்டிகளில் 3 புள்ளிகளுடன், ஜிம்பாப்வே வீரர்கள் குரூப் 2 அட்டவணையில் நான்காவது இடத்தைப் பிடித்துள்ளனர், அதே நேரத்தில் நெதர்லாந்து அணியினர் மூன்று போட்டிகளில் எந்த வெற்றியும் இல்லாமல் கீழே 6ஆவது இடத்தில் அமர்ந்துள்ளனர்.
தென்னாப்பிரிக்காவுடனான ஜிம்பாப்வேயின் தொடக்க ஆட்டம் ஹோபார்ட்டில் மழையால் எந்த முடிவும் இல்லாமல் முடிந்து இரு அணிகளுக்கும் ஒரு புள்ளி வழங்கப்பட்டது. அவர்கள் பாபர் அசாமின் பாகிஸ்தான் அணிக்கு எதிராக ஒரு ரன் வித்தியாசத்தில் வெற்றி பெற்று அதிர்ச்சி கொடுத்தனர். தொடர்ந்து ஜிம்பாப்வே தனது மூன்றாவது ஆட்டத்தில் பங்களாதேஷை தோற்கடிக்க நெருங்கியது, ஆனால் வெறும் 3 ரன்கள் வித்தியாசத்தில் வீழ்ந்தது.
மறுபுறம், தகுதிச் சுற்றில் ஐக்கிய அரபு எமிரேட்ஸ் மற்றும் நமீபியாவை எதிர்த்து இரண்டு தொடர்ச்சியான வெற்றிகளுடன் நெதர்லாந்து தனது உலகக்கோப்பையை தொடங்கியது. அந்தச் சுற்றின் இறுதி ஆட்டத்தில் இலங்கையிடம் தோல்வியை கண்டது. அப்போதிருந்து, ஸ்காட் எட்வர்ட்ஸ் மற்றும் அவரது அணி சூப்பர் 12 சுற்றில் மூன்று ஆட்டங்களிலும் தோல்வியடைந்து ஏற்கனவே போட்டியிலிருந்து வெளியேறியது. ஜிம்பாப்வே வீரர்கள் நெதர்லாந்துக்கு எதிரான வெற்றியைப் பதிவுசெய்து 5 புள்ளிகளுக்குச் செல்லவும், அரையிறுதி இடத்தைப் பற்றிய தங்கள் நம்பிக்கையை உயிர்ப்புடன் வைத்திருக்கவும் எதிர்பார்க்கிறார்கள்.
நேருக்கு நேர்: ஜிம்பாப்வே மற்றும் நெதர்லாந்து அணிகள் 4 முறை நேருக்குநேர் மோதிக்கொண்டன, அதில் ஜிம்பாப்வே 3 முறையும், நெதர்லாந்து ஒரு முறையும் வென்றன..
டி20 உலகக் கோப்பை கணிக்கப்பட்ட லெவன்
ஜிம்பாப்வே :
ரெஜிஸ் சகாப்வா (வி.கீ), கிரேக் எர்வின் ©, வெஸ்லி மாதேவெரே, சீன் வில்லியம்ஸ், சிக்கந்தர் ராசா, மில்டன் ஷும்பா, ரியான் பர்ல், டெண்டாய் சதாரா, ரிச்சர்ட் ங்காராவா, பிராட் எவன்ஸ், முசரபானி.
நெதர்லாந்து :
ஸ்டீபன் மைபர்க், மேக்ஸ் ஓ’டவுட், பாஸ் டி லீட், டாம் கூப்பர், கொலின் அக்கர்மேன், ஸ்காட் எட்வர்ட்ஸ் (கே & வி.கீ), ரோலோஃப் வான் டெர் மெர்வே, டிம் பிரிங்கிள், பிரெட் கிளாசென், பால் வான் மீகெரென், லோகன் வான் பீக்.
