ஆசியக்கோப்பை பயிற்சி போட்டியில் ஆஸ்திரேலியாவை 6 ரன்கள் வித்தியாசத்தில் இந்திய அணி வீழ்த்தியுள்ளது.
ஆஸ்திரேலியாவில் நேற்று முதல் டி20 உலகக்கோப்பை தகுதி சுற்றுப்போட்டி தொடங்கி நடைபெற்று வருகிறது.. தகுதி சுற்றில் விளையாடும் 8 அணிகளில் 4 அணிகள் சூப்பர் 12க்கு முன்னேறும்.. தகுதி சுற்றுக்குப்பின் பிரதான சூப்பர் 12 போட்டிகள் அக்டோபர் 22 ஆம் தேதி நியூசிலாந்து – ஆஸ்திரேலிய அணி மோதலில் இருந்து தொடங்குகிறது. இந்திய அணி சூப்பர் 12 சுற்றின் முதல் போட்டியில் அக்டோபர் 23 ஆம் தேதி பரம் எதிரியான பாகிஸ்தான் அணியை எதிர்கொள்கிறது. இதற்கிடையே சூப்பர் 12 சுற்றில் இடம்பிடித்திருக்கும் இந்தியா உட்பட அனைத்து அணிகளும் பயிற்சி போட்டியில் விளையாடி வருகிறது..
இந்திய அணி 4 பயிற்சி போட்டிகளில் பங்கேற்றுள்ள நிலையில், மேற்கு ஆஸ்திரேலியா அணியுடன் 2 பயிற்சி ஆட்டங்களில் விளையாடி 1ல் வென்றது. இந்நிலையில் இன்றைய பயிற்சி போட்டியில் இந்தியா – ஆஸ்திரேலியா அணிகள் இந்திய நேரப்படி இன்று காலை 9:30 மணியளவில் பிரிஸ்பேன் மைதானத்தில் மோதியது.
இதில் டாஸ் வென்ற ஆஸ்திரேலியா பந்து வீச முடிவு செய்தது. அதன்படி இந்திய அணியின் தொடக்க வீரர்களாக கே.எல் ராகுல் மற்றும் ரோகித் சர்மா இருவரும் களமிறங்கினர். இதில் ரோகித் சர்மா 15 ரன்களில் ஆட்டமிழந்தார். இருப்பினும் மற்றொரு துவக்க வீரர் கே.எல் ராகுல் சிறப்பாக ஆடி அரைசதம் விளாசினார். அதன்பின் கேஎல் ராகுல் 33 பந்துகளில் (6 பவுண்டரி, 3 சிக்ஸர்) 57 ரன்கள் எடுத்த நிலையில் ஆட்டம் இழந்தார்.அதன்பின் விராட் கோலி – சூர்யகுமார் யாதவ் இருவரும் ஜோடி சேர்ந்தனர். விராட் கோலி அதிரடியாக தொடங்கிய நிலையில் 19 ரன்கள் எடுத்து அவுட் ஆனார். அதன்படி வந்த பாண்டியா 2 ரன்னில் வெளியேறிய போதிலும் சூரியகுமார் யாதவ் சிறப்பாக விளையாடினார். அதன் பின் வந்த தினேஷ் கார்த்திக் ஒரு 20 ரன்கள் சேர்த்து ஆட்டம் இழந்தார்.
கேன் ரிச்சர்ட்சன் வீசிய கடைசி ஓவரின் 3ஆவது பந்தில் சூர்யகுமார் யாதவ் பவுண்டரியுடன் சதமடித்த நிலையில், 4ஆவது பந்தில் 33 பந்துகளில் (6 பவுண்டரி, 1 சிக்ஸர்) 50 ரன்கள் எடுத்த நிலையில் சூர்யா அவுட் ஆனார். அதன்பின் உள்ளே வந்த அஸ்வின் சிக்ஸர் அடித்து, கடைசி பந்தில் ஆட்டமிழக்க இந்திய அணி 20 ஓவர் முடிவில் 7 விக்கெட் இழப்பிற்கு 186 ரன்கள் குவித்தது. அக்சர் படேல் 6 ரன்களில் ஆட்டமிழக்காமல் களத்தில் இருந்தார். ஆஸ்திரேலிய அணியில் கேன் ரிச்சர்ட்சன் அதிகபட்சமாக 4 விக்கெட்டுகளை எடுத்தார்.
இதையடுத்து 187 ரன்கள் எடுத்தால் வெற்றி என்ற இலக்குடன் ஆஸ்திரேலியாவின் தொடக்க வீரர்களாக மிட்செல் மார்ஷ் மற்றும் ஆரோன் பிஞ்ச் இருவரும் களமிறங்கி சிறப்பான ஆட்டத்தை வெளிப்படுத்தினர். மார்ஷ் அதிரடியாக விளையாடி 18 பந்துகளில் (4 பவுண்டரி, 2 சிக்ஸர்) 35 ரன்கள் எடுத்த நிலையில் ஆட்டம் இழந்தார்.
அதன் பின் வந்த ஸ்டீவ் ஸ்மித் 11 ரன்கள் எடுத்து அவுட் ஆனார். இருப்பினும் பிஞ்ச் சிறப்பாக ஆடி அரைசதம் கடந்தார். இதனை அடுத்து கிளைன் மேக்ஸ்வெல் மற்றும் ஆரோன் பிஞ்ச் இருவரும் ஜோடி சேர்ந்து சிறப்பாக விளையாடிய நிலையில், அதன்பின் மேக்ஸ்வெல் 23, மார்க்கஸ் ஸ்டாய்னிஸ் 7 என அடுத்தடுத்து ஆட்டமிழந்தனர்.
இறுதியில் கடைசி இரண்டு ஓவரில் ஆஸ்திரேலியா அணியின் வெற்றிக்கு 16 ரன்கள் தேவைப்பட்டது. ஹர்ஷல் படேல் பட்டியல் வீசிய 19வது ஓவரின் முதல் பந்தில் 54 பந்துகளில் (7 பவுண்டரி, 3 சிக்ஸர்) 79 ரன்கள் எடுத்திருந்த பிஞ்ச் போல்ட் ஆகி வெளியேறினார். 2ஆவது பந்தில் டிம் டேவிட்டை (5) விராட் கோலி ரன் அவுட் செய்தார். 19ஆவது ஓவரில் ஹர்ஷல் படேல் 5 ரன்கள் மட்டுமே கொடுத்தார்..
கடைசி ஓவரில் வெற்றிக்கு 11 ரன்கள் தேவைப்பட்டபோது அந்த ஓவரை முகமது ஷமி வீசினார்.. முதல் இரண்டு பந்துகளிலும் ஆஸ்திரேலியா அணி தலா 2 ரன்கள் எடுத்தது. அதன் பின் மூன்றாவது பந்தில் கம்மின்ஸ் தூக்கி அடிக்க சிக்ஸ் லைன் அருகே கோலி கேட்ச் பிடித்தார். அதன்பின் நான்காவது பந்தில் ஆஷ்டன் அகர் அடித்துவிட்டு ஓட கார்த்திக் ஷமியிடம் த்ரோ செய்ய அவர் ரன் அவுட் செய்தார். 5 மற்றும் கடைசி பந்தில் ஜோஷ் இங்கிலிஸ், ரிச்சர்ட்சனை அடுத்தடுத்து போல்ட் செய்தார். இந்திய அணி கடைசி 4 பந்தில் மட்டும் நான்கு விக்கெட் எடுத்து அசத்தியது.
இதனால் ஆஸ்திரேலியா அணி 20 ஓவர் முடிவில் 10 விக்கெட் இழப்பிற்கு 180 ரன்கள் எடுத்தது. இதனால் 6 ரன்கள் வித்தியாசத்தில் ஆஸ்திரேலியாவை இந்திய அணி பயிற்சி போட்டியில் வீழ்த்தியுள்ளது. இந்திய அணி தரப்பில் முகமது ஷமி ஒரே ஓவரில் 4 ரன்கள் கொடுத்து 3 விக்கெட்டுகளும், புவனேஸ்வர் குமார் 2 விக்கெட்டுகளும் வீழ்த்தினர். அர்ஷ்தீப் சிங், ஹர்ஷல் படேல், சஹால் தலா ஒரு விக்கெட் எடுத்தனர். அடுத்த பயிற்சி போட்டியில் இந்திய அணி நியூசிலாந்து அணியை 19ஆம் தேதி எதிர்கொள்கிறது.
What A Win! 👌 👌#TeamIndia beat Australia by 6⃣ runs in the warm-up game! 👏 👏
Scorecard ▶️ https://t.co/3dEaIjgRPS #T20WorldCup | #INDvAUS pic.twitter.com/yqohLzZuf2
— BCCI (@BCCI) October 17, 2022