டி20 உலக கோப்பை கிரிக்கெட் தொடரிலிருந்து இங்கிலாந்து வீரர் ரீஸ் டாப் விலகியுள்ளார்.
ஆஸ்திரேலியாவில் டி20 உலக கோப்பை தகுதி சுற்று போட்டிகள் கடந்த 16ஆம் தேதி முதல் நடைபெற்று வருகிறது. 8 அணிகள் பங்கேற்றுள்ள தகுதிசுற்று போட்டிகள் நாளையுடன் முடிவடையும் நிலையில், பிரதான சூப்பர் 12 சுற்று போட்டிகள் 22 ஆம் தேதி தொடங்குகிறது. இதற்கிடையே சூப்பர் 12 சுற்றில் இடம்பெற்றுள்ள அணிகள் அனைத்துமே பயிற்சி போட்டியில் விளையாடி வந்தன. அதேபோல இங்கிலாந்து அணியும் பயிற்சி போட்டியில் விளையாடி வந்தது. கடந்த இரு தினங்களுக்கு முன் பாகிஸ்தானுக்கு எதிரான பயிற்சி போட்டிக்கு முன் இங்கிலாந்து வீரர் ரீஸ் டோப்லி பயிற்சி செய்யும்போது அவருக்கு காயம் ஏற்பட்டுள்ளது. இதனால் அவர் காயம் காரணமாக டி20 தொடரில் இருந்து விலகி உள்ளார். அவருக்கு பதிலாக டைமல் மில்ஸ் சேர்க்கப்பட்டுள்ளார்..
இதுகுறித்து இங்கிலாந்து கிரிக்கெட் வாரியம் வெளியிட்டுள்ள அறிக்கையில், இங்கிலாந்து வேகப்பந்து வீச்சாளர் ரீஸ் டோப்லி தனது இடது கணுக்காலில் தசைநார் பாதிப்பால் ஐசிசி ஆடவர் டி20 உலகக் கோப்பையில் இருந்து நீக்கப்பட்டுள்ளார். திங்களன்று பிரிஸ்பேனில் பாகிஸ்தானுக்கு எதிரான இங்கிலாந்தின் போட்டி பயிற்சி ஆட்டத்தில் போட்டிக்கு முன் ஃபீல்டிங் பயிற்சியில் பங்கேற்றபோது டாப்லிக்கு காயம் ஏற்பட்டது.
பெர்த்தில் செவ்வாய்க்கிழமை ஸ்கேன் முடிவில் காயம் ஏற்பட்டது தெரியவந்தது. இவருக்கு பதிலாக ஆஸ்திரேலியாவுக்கு ரிசர்வ் வீரராக பயணித்திருந்த டைமல் மில்ஸ் இங்கிலாந்து அணியில் சேர்க்கப்பட்டுள்ளார். டைமல் மில்ஸ்க்கு பதிலாக லூக் வூட் ரிசர்வ் வீரராக சேர்க்கப்பட்டுள்ளார். வூட் சரியான நேரத்தில் இங்கிலாந்து அணியில் இணைவார். இங்கிலாந்து தனது முதல் சூப்பர் 12 ஆட்டத்தில் 22ஆம் தேதி ஆப்கானிஸ்தானுக்கு எதிராக பெர்த்தில் சனிக்கிழமை விளையாடுகிறது.” என்று குறிப்பிட்டுள்ளது.
28 வயதான அவர் இந்த ஆண்டு டி20 போட்டிகளில் இங்கிலாந்துக்கு முக்கிய வீரராக இருந்து வருகிறார், மேலும் அவர் இல்லாதது இங்கிலாந்துக்கு பெரும் அடியாக இருக்கும். டாப்லி இந்த ஆண்டு டி20ஐ போட்டிகளில் 17 விக்கெட்டுகளை எடுத்துள்ளார், டாப்லி ஒரு இன்னிங்ஸில் எந்த இடத்திலும் சிறப்பாக பந்து வீசக்கூடிய பவுலராக இருக்கிறார். இவர் டெத் ஓவரில் 7.8 எக்கனாமியில் வீசி வருவது குறிப்பிடத்தக்கது.
இங்கிலாந்து அணி : ஜோஸ் பட்லர் (கே), மொயின் அலி, ஹாரி புரூக், சாம் கரன், கிறிஸ் ஜோர்டான், லியாம் லிவிங்ஸ்டோன், டேவிட் மலான், அடில் ரஷித், பில் சால்ட், பென் ஸ்டோக்ஸ், டைமல் மில்ஸ், டேவிட் வில்லி, கிறிஸ் வோக்ஸ், மார்க் வூட், அலெக்ஸ் ஹேல்ஸ்.
காத்திருப்பு வீரர்கள் : லியாம் டாசன், ரிச்சர்ட் க்ளீசன்.
News we didn't want to bring you.
Reece Topley has been ruled out of the #T20WorldCup
We are all gutted for you and we are all here for you, Toppers ❤️
More here: https://t.co/KdJWsh3VWA pic.twitter.com/gVofwSQnNf
— England Cricket (@englandcricket) October 19, 2022