சட்டவிரோதமாக மது விற்பனை செய்த 2 பேரை காவல்துறையினர் கைது செய்தனர். தர்மபுரி மாவட்டத்திலுள்ள மொரப்பூர் காவல்துறையினர் பல்வேறு பகுதிகளில் ரோந்து பணியில் ஈடுபட்டனர். இந்நிலையில் அண்ணல் நகரில் வீட்டில் மது பாட்டில்கள் பதுக்கி வைத்து விற்பனை செய்த வேலு என்பவரை காவல்துறையினர் கைது செய்தனர். மேலும் வேலுவிடம் இருந்த 20 மதுபாட்டில்களை காவல்துறையினர் பறிமுதல் செய்தனர். இதேபோன்று நவலையில் மதுபாட்டில்கள் பதுக்கி வைத்து விற்பனை செய்ததாக ரமேஷ் என்பவரை காவல்துறையினர் கைது செய்தனர்.
