சென்னை ராயப்பேட்டையில் உள்ள தனியார் நட்சத்திர விடுதியில் அதிமுக ஒருங்கிணைப்பாளர் ஓ.பன்னீர்செல்வத்தை திரைப்பட இயக்குநரும் நடிகருமான பாக்கியராஜ் இன்று சந்தித்தார். அப்போது அவர் ஓ.பி.எஸ் முன்னிலையில் தன்னை அதிமுகவில் இணைத்து கொண்டார். பின்னர் செய்தியாளர்களை சந்தித்த அவர், “அனைவரும் ஒற்றுமையாக இருந்து அதிமுகவை பலப்படுத்த வேண்டும். அதற்கு அதிமுகவில் இணைந்து நானும் பங்காற்றவுள்ளேன். தேவை ஏற்பட்டால் நானே நேரில் சென்று அனைவரையும் ஒருங்கிணைக்க பாடுபடுவேன்” என்று தெரிவித்தார்.
