ஒரு ரூபாய் நாணயத்தை பொதுவாக அனைவரும் பயன்படுத்தி இருப்போம். அந்த ஒரு ரூபாய் நாணயத்தில் Dots இருப்பதை பார்த்திருக்கிறீர்களா? இந்நிலையில் நாணயத்தில் இருக்கும் Dots ஒரே மாதிரி இல்லாமல் வேறு மாதிரியாகவும் இருக்கும். இந்த Dots ஒரு நாணயம் எங்கிருந்து தயாரித்து வருகிறது என்பதை குறிக்கிறது. உதாரணமாக நாணயத்தில் இருக்கும் நட்சத்திர அடையாளம் ஹைதராபாத்தையும், டைமன் அடையாளம் மும்பையையும், Dot அடையாளம் நொய்டா மற்றும் டெல்லியையும், எந்த அடையாளமும் இல்லாமல் இருந்தால் கொல்கத்தாவையும் குறிக்கிறது.
நூற்றாண்டு பழமை மிக்க பொருட்களுக்கு என்றென்றும் மதிப்பு உண்டு. அதிலும் நாணயங்கள் எளிதில் வரலாற்றில் அறிந்துகொள்ள உதவும் பொருள் என்பதால் அரிய பொக்கிஷமாக கருதப்படுகிறது. இதனால் வரலாற்று ஆய்வாளர்கள் தங்களுக்கு தேவையான நாணயங்களை பல லட்சங்கள் கொடுத்தும் வாங்குவதற்கு தயாராக இருக்கின்றனர். நூற்றாண்டு பழமை மிக்க நாணயங்களை விற்பனை செய்வதற்காகவே சில இணையதளங்கள் உள்ளன. அந்த வகையில் இந்தியாவில் ஆங்கிலேயர் ஆட்சி காலத்தில் 1885 ஆம் ஆண்டு வெளியிடப்பட்ட ஒரு ரூபாய் நாணயம் ஆன்லைனில் ஏலம் விடப்பட்டது. […]