கழிவுநீர் தொட்டிக்குள் விழுந்த ஜல்லிக்கட்டு காளையை தீயணைப்பு வீரர்கள் பத்திரமாக மீட்டனர். புதுக்கோட்டை மாவட்டத்தில் உள்ள அம்மன் குறிச்சி பகுதியில் ஜல்லிக்கட்டு காளை ஒன்று மேய்ந்து கொண்டிருந்தது. அப்போது எதிர்பாராதவிதமாக காளை அருகில் இருந்த கழிவுநீர் தொட்டியில் தவறி விழுந்தது. இதனை பார்த்த பொதுமக்கள் உடனடியாக தீயணைப்பு துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற தீயணைப்பு வீரர்கள் பொக்லைன் எந்திரம் உதவியுடன் ஜல்லிக்கட்டு மாட்டை கயிறு கட்டி பத்திரமாக மீட்டனர்.
