ஜோதிடர் வீட்டில் பதுக்கி வைத்திருந்த மான்கொம்பு, தோல் ஆகியவற்றை வனத்துறையினர் அதிரடியாக பறிமுதல் செய்தனர். திண்டுக்கல் மாவட்டத்திலுள்ள ரெட்டியபட்டியில் மான்கொம்பு, தோல் ஆகியவற்றை பதுக்கி வைத்திருப்பதாக வனத்துறையினருக்கு ரகசிய தகவல் கிடைத்துள்ளது. அந்த தகவலின்படி மாவட்ட வன அலுவலர் பிரபு தலைமையில் வனத்துறையினர் அப்பகுதிக்கு சென்று தீவிர சோதனையில் ஈடுபட்டுள்ளனர். இந்நிலையில் ஜோதிடம் பார்த்து வந்த சுந்தரமூர்த்தி என்பவரது வீட்டில் மான் கொம்பு, ஆமை ஓடு, மான்தோல், நரிப்பல் ஆகியவை பதுக்கி வைத்து இருந்ததை வனத்துறையினர் கண்டுபிடித்தனர். […]
