தமிழகம் முழுவதும் கொரோனா தீவிரமாக பரவி வந்த சூழலில் அனைத்து விமான சேவைகளும் முற்றிலுமாக ரத்து செய்யப்பட்டது. இதனையடுத்து பாதிப்பு படிப்படியாக குறைந்ததால் விமான சேவை தொடங்கப்பட்டுள்ளது. அதன்படி கொரோனா ஊரடங்கிற்கு பின் தற்போது மதுரையிலிருந்து இலங்கை, சிங்கப்பூர், துபாய் உள்ளிட்ட நாடுகளுக்கு விமானம் இயக்கப்பட்டு வருகிறது. இந்நிலையில் ஜனவரி 8-ந்தேதி முதல் மதுரையிலிருந்து ஐக்கிய அரபு அமீரக நகரங்களில் ஒன்றான சார்ஜாவிற்கு நேரடியாக பயணிகள் விமான சேவை தொடங்கப்பட உள்ளதாக தகவல் வெளியாகியுள்ளது.
