விருதுநகரில் தொழிற்சங்கத்தினர் சார்பாக போராட்டம் நடைபெற்ற சம்பவம் பரபரப்பை ஏற்படுத்தியுள்ளது. விருதுநகர் மாவட்டத்திலுள்ள பழைய பேருந்து நிலையம் முன்பு அனைத்து தொழிற்சங்கத்தினர் சார்பாக போராட்டம் நடைபெற்றது. அந்தப் போராட்டத்தில் பொதுத்துறை நிறுவனங்களை தனியாருக்கு தாரை வார்ப்பதை தவிர்த்தல், மின்சார, மோட்டார் வாகன சட்டத்திருத்தங்களை ரத்து செய்தல் போன்ற பல்வேறு கோரிக்கைகளை வலியுறுத்தி கோஷங்களை எழுப்பினர்.
பல்வேறு கோரிக்கைகளை முன்வைத்து பெரம்பலூரில் தொழிற்சங்கத்தினர் ஆர்ப்பாட்டத்தில் ஈடுபட்டனர். பெரம்பலூர் மாவட்ட சி.ஐ.டி.யூ. ஊரக வளர்ச்சி உள்ளாட்சித்துறை ஊழியர்கள் சங்கத்தினர் பெரம்பலூர் நகராட்சி அலுவலகம் முன்பு நேற்று ஆர்ப்பாட்டத்தில் ஈடுபட்டனர். இதற்கு மாவட்ட துணைச் செயலாளர் ரங்கராஜ் தலைமை தாங்கியுள்ளார். தலைவர் அகஸ்டின், மாவட்ட செயலாளர் துரைசாமி, நிர்வாகிகள், பொருளாளர் சிற்றம்பலம் உள்ளிட்ட பலரும் கோரிக்கைகளை விளக்கி பேசினர். பெரம்பலூர் நகராட்சியில் பணிபுரிந்து வரும் இதர பணியாளர்கள் மற்றும் தூய்மைப் பணியாளர்களின் ஊதியத்தில் சேம நல நிதி, […]