பள்ளி கட்டிடத்தை இரவோடு இரவாக மர்ம நபர்கள் தரைமட்டமாக்கிய சம்பவம் பெரும் பரபரப்பை ஏற்படுத்தியுள்ளது. மதுராந்தகம் அருகே உள்ள மெய்யூரில் ஊராட்சி ஒன்றிய ஆரம்பப்பள்ளி ஒன்று உள்ளது. நேற்று இரவு மர்ம நபர்கள் சிலர் இந்த பள்ளி கட்டிடத்தை இடித்து தரைமட்டமாக்கி உள்ளனர். மேலும் கட்டிடத்தில் இருந்த இரும்பு போன்ற பொருள்களையும் எடுத்துச் சென்றதாக புகார் எழுந்துள்ளது. இதனால் இச்சம்பவம் குறித்து, ஊராட்சி மன்ற தலைவர் கொடுத்த புகாரின் அடிப்படையில் போலீசார் தீவிர விசாரணை நடத்தி வருகின்றனர்.
