படுகாயமடைந்த புள்ளிமானுக்கு வனத்துறையினர் சிகிச்சை அளித்து வருகின்றனர். விருதுநகர் மாவட்டத்தில் உள்ள சந்திரகிரிபுரம் கிராமத்திற்குள் புள்ளிமான் ஒன்று நுழைந்தது. இந்நிலையில் தெரு நாய்கள் புள்ளிமானை துரத்தி கடித்து குதறியது. இதனை பார்த்து அதிர்ச்சி அடைந்த பொதுமக்கள் படுகாயம் அடைந்த புள்ளி மானை மீட்டனர். இது குறித்து உடனடியாக வனத்துறையினருக்கு தகவல் தெரிவிக்கப்பட்டது. அதன்படி சம்பவ இடத்திற்கு விரைந்து சென்ற வனத்துறையினர் புள்ளிமானை மீட்டு அதற்கு சிகிச்சை அளித்து வருகின்றனர்.
