சென்னையில் உள்ள கலைவாணர் அரங்கில் சட்டசபை கூட்டத்தொடர் இன்று நடைபெற்றது. அப்போது கூட்டுறவுத்துறை அமைச்சரான ஐ.பெரியசாமி, கூட்டுறவு சங்க சட்டத் திருத்த மசோதாவை தாக்கல் செய்தார். இந்த சட்டத்திருத்த மசோதா மூலமாக கூட்டுறவு சங்க நிர்வாகிகள் பதவிக்காலமானது 5 ஆண்டிலிருந்து 3 ஆண்டாக குறைக்கப்படும். இந்த புதிய மசோதாவால் 2018ல் அதிமுக ஆட்சியில் தேர்வான கூட்டுறவு சங்க நிர்வாகிகளின் பதவிக்காலமானது முடிவுக்கு வருகிறது. இந்நிலையில் இந்த சட்டத்திருத்த மசோதாவிற்கு எதிர்ப்பு தெரிவித்து அதிமுக உறுப்பினர்கள் வெளிநடப்பு செய்தனர்.
