புதுச்சேரி மாநிலம் காரைக்கால் மாவட்டத்தில் மிகவும் பிரசித்தி பெற்ற காரைக்கால் அம்மையார் கோவில் மாங்கனி திருவிழாவை முன்னிட்டு இன்று (13-07-2022) அரசு அலுவலகங்கள், அரசு மற்றும் தனியார் பள்ளி, கல்லூரிகளுக்கு விடுமுறை அளிக்கப்படுவதாக காரைக்கால் மாவட்ட ஆட்சியர் மன்சூர் தெரிவித்துள்ளார். இந்த விடுமுறைக்கு பதில் வரும் சனிக்கிழமை (16-07-2022) அன்று அனைத்து அரசு அலுவலகங்களும் இயங்கும் என தெரிவிக்கப்பட்டுள்ளது.
காரைக்காலில் புகழ்பெற்ற மாங்கனி திருவிழா அதிக பக்தர்கள் இல்லாமல் எளிய முறையில் நடைபெற்று முடிந்தது. அறுபத்தி மூன்று நாயன்மார்களில் ஒருவராக போற்றப்படும் புனிதவதியார் என்ற காரைக்கால் அம்மையாரின் வாழ்க்கை வரலாற்றை விளக்கும் மாங்கனி திருவிழா காரைக்காலில் ஆண்டுதோறும் விமரிசையாக நடைபெறும். கடந்த ஆண்டு கொரோனா காரணமாக மாங்கனி திருவிழா மிக எளிய முறையில் பக்தர்கள் யாரும் இல்லாமல் நடைபெற்று முடிந்தது. அதேபோல் இந்த ஆண்டும், கொரோனா இரண்டாம் அலை காரணமாக கோவில்களுக்கு அரசு பல கட்டுப்பாடுகளை விதித்துள்ளது. […]