திருச்சி மாவட்டத்தில் உள்ள கல்லுக்குழி பகுதியில் ரியானா சூரி(26) என்பவர் வசித்து வருகிறார். இவர் திருநங்கை ஆவார். இந்நிலையில் எம்.எஸ்.சி படித்து முடித்த ரியானா கடந்த 2019-ஆம் ஆண்டு முதல் மாடலிங் துறையில் கவனம் செலுத்தி வந்துள்ளார். கடந்த ஏப்ரல் மாதம் விழுப்புரத்தில் நடைபெற்ற மாடலிங் போட்டியில் கலந்து கொண்ட ரியானா இந்த மாதம் புதுடெல்லியில் நடைபெற இருக்கும் மூன்றாம் பாலினத்தவர்களுக்கான மிஸ் இந்தியா போட்டியில் கலந்து கொள்ள தேர்வாகியுள்ளார்.
