மலைப்பாம்பை வனத்துறையினர் பத்திரமாக பிடித்தனர். புதுக்கோட்டை மாவட்டத்தில் உள்ள சொரியம்பட்டி கிராமத்தில் உள்ள சாலையில் மலைப்பாம்பு ஒன்று ஊர்ந்து சென்றது. இதனை பார்த்த அதிர்ச்சியடைந்த பொதுமக்கள் வனத்துறையினருக்கு தகவல் தெரிவித்தனர். அந்த தகவலின் படி சம்பவ இடத்திற்கு விரைந்து சென்ற வனத்துறையினர் சுமார் 9 அடி நீளமுள்ள மலைப்பாம்பை லாவகமாக பிடித்தனர். இதனை அடுத்து பிடிபட்ட பாம்பு அம்மன்குறிச்சி வனப்பகுதியில் விடப்பட்டது.
சிறுமியை கொன்ற சிறுத்தை வனத்துறையினர் வைத்த கூண்டுக்குள் சிக்கியது. நீலகிரி மாவட்டத்தில் உள்ள அரக்காடு பகுதியில் பாலன் என்பவருக்கு சொந்தமான தேயிலை தோட்டம் அமைந்துள்ளது. இங்கு வட மாநில தொழிலாளர்கள் குடும்பத்துடன் தங்கி இருந்து வேலை பார்த்து வருகின்றனர். கடந்த 10-ஆம் தேதி அசாம் மாநிலத்தை சேர்ந்த நிஷாந்த் என்பவரது மகள் சரிதா(4) சிறுத்தை தாக்கியதால் பரிதாபமாக உயிரிழந்தாள். இதனால் வனத்துறையினர் சிறுத்தையை பிடிப்பதற்காக இரண்டு கூண்டுகளை வைத்தனர். நேற்று அதிகாலை வனத்துறையினர் வைத்த கூண்டுக்குள் சிறுத்தை […]