கள்ளக்குறிச்சி தனியார் பள்ளி மாணவியின் உடலை பெற்றுக்கொள்ள அவரது பெற்றோர் சம்மதம் தெரிவித்துள்ளனர். உயர்நீதிமன்ற உத்தரவின்படி, மாணவி ஸ்ரீமதி உடலுக்கு நேற்று முன்தினம் மறு உடற்கூராய்வு செய்யப்பட்டது. ஆனால், உடலை பெற்றோர் பெற்றுக் கொள்ளவில்லை. நீண்ட பேச்சுவார்த்தைக்கு பின், மதியம் 2 மணிக்குள் மாணவி உடலை பெற்றுக்கொண்டு, மாலை இறுதிச்சடங்கு செய்ய பெற்றோர் முடிவு செய்துள்ளனர்.
உடல்நலக் குறைவு காரணமாக உயிரிழந்த மோப்பநாய் காவிரியின் உடல் அடக்கம் செய்யப்பட்டுள்ளது. மோப்ப நாய்கள் கொலை, திருட்டு, கொள்ளை சம்பவங்களில் காவலர்களுக்கு துப்பு கண்டுபிடித்து குற்றவாளிகளை அடையாளம் காட்ட உதவியாக இருக்கும். இந்நிலையில் திருவாரூர் மாவட்டத்தில் காவிரி என்ற மோப்ப நாய் பணியில் ஈடுபட்டு வந்துள்ளது. மேலும் இந்த நாய் பொது மக்களை பாதுகாக்கும் பணியில் ஈடுபட்டு வரும் காவலர்களுக்கு உதவியாக இருந்து வந்துள்ளது. இதனைத்தொடர்ந்து இந்த நாய் வெடிகுண்டு கண்டறிதலிலும், துப்பறியும் பணியிலும் நன்கு பயிற்சி […]