தமிழ்நாட்டில் கொரோனா வைரஸ் காரணமாக நேற்று ஒரே நாளில் 119 பேர் உயிரிழந்துவிட்டனர். இதனைத் தொடர்ந்து பலி எண்ணிக்கை 5, 397 ஆக உயர்ந்துவிட்டது.
தமிழகத்தில் நேற்று ஒரே நாளில் 5, 835 பேருக்கு வைரஸ் தொற்று பரவியிருப்பது மருத்துவ பரிசோதனையில் உறுதி செய்யப்பட்டு உள்ளது. இதனால் கொரோனா வைரஸால் இதுவரை பாதிக்கப்பட்டுள்ளோரின் எண்ணிக்கை 3,20, 355 ஆக உயர்ந்துவிட்டது. நேற்று ஒரே நாளில் கொரோனா வைரஸ் காரணமாக 119 பேர் உயிரிழந்துவிட்டனர். இவர்களில் 38 பேர் தனியார் மருத்துவமனைகளிலும், 81 பேர் அரசு மருத்துவமனைகளிலும் மரணம் அடைந்ததாகத் தமிழக சுகாதாரத் துறையின் மருத்துவ அறிக்கையில் தெரிவிக்கப்பட்டுள்ளது.
இவர்களுடன் சேர்த்து தமிழகத்தில் இதுவரை உயிரிழந்தோரின் எண்ணிக்கை 5, 397 ஆக அதிகரித்துள்ளது. சென்னையில் நேற்று ஒரே நாளில் 989 பேருக்கு வைரஸ் தொற்று பரவி உள்ளது. இவர்களுடன் சேர்த்து சென்னையில் இதுவரை 1,13,058 பேர் கொரோனா வைரஸால் பாதிக்கப்பட்டு உள்ளனர்.