தமிழ்நாடு மற்றும் ஆந்திராவில் 35 இடங்களில் உருக்கு உற்பத்தி நிறுவன அதிபர்கள் மற்றும் வீடுகள் அலுவலகங்களில் வருமான வரித்துறை சோதனை நடத்துகின்றனர்.
சென்னை உட்பட தமிழகம் , ஆந்திர மாநிலத்தில் ஸ்டீல் உற்பத்தி நிறுவனங்கள் மற்றும் ஏற்றுமதியாளர்கள் தொடர்புடைய 35 இடங்களில் வருமான வரித்துறை அதிகாரிகள் சோதனை மேற்கொண்டு வருகிறார்கள். மேலும் தமிழகம் , ஆந்திராவில் இந்த சோதனை நடப்பதாகவும் வருமான வரித்துறை அதிகாரிகள் தெரிவித்துள்ளனர்.
இந்த நிறுவனங்கள் ஏற்றுமதி செய்வதிலும் , இந்த ஸ்டீல் பொருட்களை உற்பத்தி செய்வதிலும் வரும் வருவாயை குறைத்து காண்பித்து கடந்த சில ஆண்டுகளாக வரி ஏய்ப்பு செய்ததாக எழுந்த புகாரின் அடிப்படையில் இந்த சோதனை நடப்பதாக கூறப்படுகிறது. இன்று காலை 7 மணி முதல் இந்த சோதனை நடைபெற்று வருகின்றது. ஆனால் இதுவரை உரிய கைப்பற்றப்பட்ட ஆவணங்கள் குறித்து எந்தவித தகவலும் வருமான வரித்துறை அதிகாரிகள் தரப்பில் இருந்து எந்த தகவலும் தெரியவரவில்லை.