ஆர்சிபி அணியின் சுழல்பந்து வீச்சாளரான, சாஹலின் மனைவி தன்னுடைய தாயாருடன் இணைந்து நடனமாடிய வீடியோ தற்போது வைரலாகி வருகிறது.
ஐபிஎல் கிரிக்கெட் தொடரில் ,ஆர்சிபி அணியின் சுழல் பந்து வீச்சாளராக இருப்பவர் யுஸ்வேந்திர சாஹல் . இவர் கடந்த ஆண்டு டிசம்பர் மாதம் தனஸ்ரீ ஷர்மா என்பவரை திருமணம் செய்து கொண்டார். இதன்பிறகு இருவரின் ஜோடி , சமூக வலைதளங்களில் அதிகமாக பேசப்பட்டு வந்தது. குறிப்பாக அவரின் மனைவி தனஸ்ரீ தன்னுடைய நடன திறமையால் அதிக ரசிகர்களை கவர்ந்துள்ளார்.
இந்நிலையில் நேற்று சர்வதேச நடன தினம் கொண்டாடப்பட்டது . இந்த தினத்தை முன்னிட்டு தனஸ்ரீ வீடியோ ஒன்றை வெளியிட்டார். அதில் தனது தாயுடன் இணைந்து , ஐஸ்வர்யாராய் நடித்த டால் என்ற ஹிந்தி படத்தின் இடம்பெற்று பாடலுக்கு ஏற்ப ,தாயாருடன் இணைந்து நடனமாடி உள்ளார் . தற்போது அந்த வீடியோ வைரலாகி , 5 லட்சத்திற்கும் மேற்பட்டோர் வீடியோவிற்கு லைக் கொடுத்துள்ளனர்.