இருசக்கர வாகனம் மீது கார் மோதிய விபத்தில் ஆசிரியை பலியான சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள அலங்காநல்லூர் பகுதியில் ஆர்த்தி என்பவர் வசித்து வந்துள்ளார். இவர் ஆசிரியராக பணிபுரிந்து வந்துள்ளார். இந்நிலையில் ஆர்த்தி தனது தோழியான கயல்விழி என்பவருடன் இருசக்கர வாகனத்தில் சென்றுள்ளார். இவர்கள் சத்திரம் பகுதியில் சென்று கொண்டிருந்த போது இரண்டு கார்கள் நேருக்கு நேர் மோதி கொண்டன. இந்த விபத்தில் சிக்கிய ஒரு கார் இந்த பெண்கள் பயணித்த இரு சக்கர வாகனத்தின் மீது பலமாக மோதி விட்டது.
அதன் பின் படுகாயமடைந்த இரண்டு பேரையும் அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி ஆர்த்தி பரிதாபமாக உயிரிழந்து விட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர். மேலும் கார்கள் மோதிக்கொண்ட விபத்தில் காயமடைந்த 8 பேரும் மருத்துவமனையில் சிகிச்சை பெற்று வருகின்றனர்.