அரசு பள்ளிகளை கொச்சை படுத்தியதால் ஜோதிகாவின் ராட்சசி படத்திற்கு தடை விதிக்க ஆசிரியர் சங்கம் கோரிக்கை விடுத்துள்ளது.
புதுமுக இயக்குனர் கெளதம் ராஜ் இயக்கத்தில் ,ஜோதிகா நடிப்பில் கடந்த வாரம் வெளியாகிய படம் ராட்சசி.இந்த படத்தில் அரசு பள்ளி ஆசிரியர்களை தவறாக சித்தரித்துள்ளமையால் இந்த படத்திற்கு தடைகோர வேண்டும் என்று ஆசிரியர் சங்கம் சார்பில் கோரிக்கை விடுத்துள்ளது. இதுகுறித்து மேலும் அவர்கள் கூறியதாவது,ஜோதிகா நடிப்பில் வெளியாகிய ராட்சசி படம் அரசுப்பள்ளி ஆசிரியர்களை தவறாக சித்தரித்து இருக்கிறது.அரசு பள்ளிகளை சீர்திருத்துவதாக கூறி சேற்றை அள்ளி பூசியுள்ளது இப்படம்.
மேலும் ஆசிரியர் சங்கம் தெரிவைத்துள்ளதில் , போலியான கதையின் மூலம் வியாபாரம் செய்வதை நோக்கமாக வைத்து எடுக்கப்பட்ட படம் ராட்சசி என்று கூறியுள்ளனர். அப்படத்தில் அரசு பள்ளி ஆசிரியர்கள் எப்பொழுது வருவார்கள் போவார்கள் என்று தெரியாது ,ஆசிரியர்களே மாணவர்களை பாலியல் துன்புறுத்துவர் என்ற வசனம் எல்லாம் இப்படத்தில் எழுதியுள்ளனர். இதையெல்லாம் பார்த்தால் பெற்றோர்கள் எப்படி அவர்கள் குழந்தைகளை அரசு பள்ளிகளில் சேர்ப்பார்கள்.இதனால் இப்படத்தை தடை செய்ய வேண்டும் என்று ஆசிரியர் சங்கம் சார்பில் கோரிக்கை விடுத்துள்ளனர்.