ஆசிரியர் தகுதி தேர்வை பிஎட், டிடிஎட்(D.Ted) இறுதியாண்டு படிக்கும் மாணவர்களும் எழுதலாம் என ஆசிரியர் தேர்வு வாரியம் அதிரடியாக அறிவித்துள்ளது. 2022 ஆம் ஆண்டிற்கான ஆசிரியர் தகுதி தேர்வு அறிக்கை கடந்த மாதம் வெளியிடப்பட்டது. அதற்கான விண்ணப்பங்கள் தற்போது இணையதளம் மூலமாக பெறப்பட்டு வருகின்றன.
இந்தத் தேர்வுக்கு விண்ணப்பிக்க ஏப்ரல் 13-ஆம் தேதி அதாவது இன்றே கடைசி நாள் ஆகும். இந்நிலையில் ஆசிரியர் தகுதித் தேர்வை எழுதுவதற்கு B.Ed, D.Ted இறுதியாண்டு படிக்கும் மாணவர்களும் தகுதியானவர்கள் என்று ஆசிரியர் தேர்வு வாரியம் அறிவித்துள்ளது. இதில் விண்ணப்பிக்க விரும்புவோர் http://www.trb.tn.nic.in என்ற இணையதளத்தில் சென்ற விண்ணப்பிக்கலாம் என அறிவிக்கப்பட்டுள்ளது.
இந்நிலையில் ஆசிரியர் தகுதி தேர்வுக்கு விண்ணப்பிக்கும் கால அவகாசத்தை மேலும் ஒரு வாரம் நீட்டிக்க வேண்டும் என எதிர்க்கட்சித் தலைவர் ஈபிஎஸ் வலியுறுத்தியுள்ளார். ஆசிரியர் தகுதித்தேர்வுக்கு விண்ணப்பிக்க இன்று கடைசி நாளாகும். கடந்த மூன்று நாட்களாக தேர்வு வாரிய இணையதள சரிவர இயங்காததால் விண்ணப்பிக்கும் தேதியை நீட்டிக்க வேண்டும் என தேர்வர்கள் தொடர்ந்து கோரிக்கை விடுத்து வருகின்றனர்.