தமிழகத்தில் ஆசிரியர் தகுதித் தேர்வுச் சான்றிதழ் ஆயுள் முழுவதும் செல்லுபடியாகும் என்பதற்கான அரசாணையை தமிழக அரசு வெளியிட்டுள்ளது. இதற்கு முன்னதாக ஏழு ஆண்டுகள் மட்டுமே தேர்ச்சி சான்றிதழ் செல்லுபடியாகும் என்ற விதி அமலில் இருந்தது. தற்போது அதில் மாற்றம் செய்யப்பட்டு ஆசிரியர் தகுதித் தேர்வு தேர்ச்சி சான்றிதழ் ஆயுள் முழுவதும் செல்லுபடியாகும் என்று தமிழக அரசு அறிவித்துள்ளது.
தமிழக அரசின் இந்த புதிய அறிவிப்பின் மூலமாக 80 ஆயிரத்திற்கும் மேற்பட்ட ஆசிரியர்கள் பயன்பெறுவார்கள் என்று எதிர்பார்க்கப்படுகிறது. தொடர்ந்து பல்வேறு கோரிக்கைகள் எழுந்த நிலையில் இந்த புதிய அறிவிப்பை தமிழக அரசு இன்று வெளியிட்டுள்ளது.