தமிழ் சினிமாவில் உச்ச நட்சத்திரமாக ஜொலிப்பவர் தல அஜித். இவர் நடிப்பில் சமீபத்தில் வலிமை திரைப்படம் ரிலீஸ் ஆகி கலவையான விமர்சனங்களை பெற்ற நிலையில், தற்போது எச். வினோத் இயக்கத்தில் போனி கபூர் தயாரிப்பில் துணிவு என்ற திரைப்படத்தில் நடித்துள்ளார். இந்தப் படத்தில் மஞ்சுவாரியர் ஹீரோயின் ஆக நடிக்க, சமுத்திரகனி, மகாநதி சங்கர், ஜான் கொக்கன் உள்ளிட்ட பலர் முக்கிய வேடத்தில் நடித்துள்ளனர். இந்தப் படத்தின் தமிழக வெளியீடு உரிமையை உதயநிதியின் ரெட் ஜெயன்ட் மூவிஸ் நிறுவனம் கைப்பற்றியுள்ளது. இந்நிலையில் துணிவு திரைப்படம் பொங்கலுக்கு ரிலீசாகும் என உதயநிதி ஸ்டாலின் அதிகாரபூர்வமாக அறிவித்துள்ளார்.
தளபதி விஜய் நடிக்கும் வாரிசு திரைப்படமும் பொங்கல் அன்று ரிலீஸ் ஆகும் என ஏற்கனவே அறிவிக்கப்பட்டுள்ளது. இந்நிலையில் ரெட் ஜெயன்ட் மூவிஸ் நிறுவனம் ஒரு படத்தை வெளியிடுகிறது என்றால் தமிழகத்தில் மற்ற படங்களுக்கு தியேட்டர் கிடைப்பது சற்று அரிதான விஷயம் தான். மேலும் துணிவு திரைப்படம் பொங்கலுக்கு ரிலீசாவதால் வாரிசு திரைப்படத்திற்கு தியேட்டர் கிடைக்குமா என்ற சந்தேகம் தான் தற்போது எழுந்துள்ளது. எது எப்படி இருந்தாலும் சரி துணிவு மற்றும் வாரிசு திரைப்படம் பொங்கல் அன்று ரிலீஸ் ஆவதால் அஜித் மற்றும் விஜய் ரசிகர்கள் செம உற்சாகத்தில் இருக்கின்றனர்.
𝐇𝐞𝐫𝐞’𝐬 𝐭𝐡𝐞 𝐁𝐈𝐆 𝐍𝐄𝐖𝐒!🎉🥁
WE’RE BEYOND EXCITED TO ANNOUNCE OUR ASSOCIATION WITH #AJITHKUMAR’s #THUNIVU
Get ready for #ThunivuPongal!⚡️#NoGutsNoGlory#HVinoth @BoneyKapoor @ZeeStudios_ @Udhaystalin @BayViewProjOffl @mynameisraahul #romeopictures @kalaignartv_off pic.twitter.com/zpi22xsNby
— Red Giant Movies (@RedGiantMovies_) October 28, 2022