தமிழ் சினிமாவில் முன்னணி நடிகராக வலம் வருபவர் விஜய். இவர் தனதுகென்று ஓர் ரசிகர் பட்டாளத்தையே உருவாக்கி உள்ளார். இவர் தற்போது வாரிசு படத்தில் நடித்து வருகிறார். இப்படத்தில் விஜய்க்கு ஜோடியாக நடிகை ராஷ்மிகா மந்தனா நடித்து வருகிறார். மேலும் பிரகாஷ்ராஜ், சரத்குமார், குஷ்பூ, ஷாம், யோகி பாபு ஆகியோர் முக்கிய கதாபாத்திரத்தில் நடித்து வருகின்றனர். இந்த திரைப்படம் பொங்கலை முன்னிட்டு ஜனவரி மாதம் வெளியாக உள்ளது. சமீபத்தில் வாரிசு படத்தின் “ரஞ்சிதமே ரஞ்சிதமே” முதல் பாடல் வெளியாகி ரசிகர்கள் மத்தியில் மாபெரும் வரவேற்பை பெற்று வருகிறது. இதனைத் தொடர்ந்து லோகேஷ் கனகராஜ் இயக்கத்தில் தளபதி 67 படத்தில் நடிக்க இருக்கிறார்.
இந்த படத்தின் படப்பிடிப்பு விரைவில் தொடங்கப்படும். இந்நிலையில் இயக்குனர் மகிழ் திருமேனி சமீபத்தில் விஜய் படத்தை இயக்க வாய்ப்பை தவறவிட்டதாக தெரிவித்துள்ளார். இயக்குனர் மகிழ் திருமேனி தற்போது உதயநிதி ஸ்டாலின் நடிப்பில் உருவான “கலக தலைவன்” படத்தை இயக்கியுள்ளார். இந்த படம் விரைவில் திரையில் வெளியாக உள்ளது. இந்நிலையில் படத்தை பற்றி பேசும்போது மகிழ் திருமேனி, தனக்கு விஜயை இயக்க வாய்ப்பு வந்ததாகவும், விஜய் தான் சொன்ன கதை மிகவும் பிடித்ததாகவும் கூறினார். அதே நேரத்தில் உதயநிதி ஸ்டாலினின் “கலக தலைவன்” படத்தை இயக்க வாய்ப்பு வந்ததால் விஜயன் பட வாய்ப்பு தவறவிட்டதாக அவர் தெரிவித்துள்ளார்.