தமிழகத்தில் மேலும் 65 பேர் கொரோனாவால் உயிரிழந்ததை அடுத்து பலியானோர் எண்ணிக்கை 10 ஆயிரத்து 252 ஆக உயர்ந்துள்ளது.
தமிழகத்தில் கொரோனா வைரஸ் வேகமாக பரவி வருகிறது. நேற்று ஒரே நாளில் 5015 பேருக்கு கொரோனா தொற்று உறுதி செய்யப்பட்டுள்ளது. இதனால் பாதிக்கப்பட்டோர் எண்ணிக்கை 6 லட்சத்து 56 ஆயிரத்து 385 ஆக உயர்ந்துள்ளது. ஒரே நாளில் கொரோனா தொற்றால் 65 பேர் உயிரிழந்துள்ளனர். இதனால் பலியானோர் எண்ணிக்கை10, 252 ஆக அதிகரித்துள்ளது.
சென்னையில் கொரோனா பரவல் வேகம் தொடர்ந்து அதிகரித்து வருகிறது. ஒரே நாளில் ஆயிரத்து 250 பேர் வைரஸ் தொற்றுக்கு ஆளாகி உள்ளனர். இவர்களுடன் சேர்த்து பாதிக்கப்பட்டோர் எண்ணிக்கை ஒரு லட்சத்து 82 ஆயிரத்தி 14 ஆக உயர்ந்துள்ளது. தமிழகத்தில் நேற்று 5,005 பேர் கொரோனாவில் இருந்து குணமடைந்து உள்ளனர். 6 லட்சத்து 2 ஆயிரத்து 38 பேர் கொரோனாவில் இருந்து மீண்டு உள்ளனர்.