தனியார் மருத்துவமனையில் பணம் திருடிய வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள வல்லநாடு பகுதியில் சுப்பிரமணியன் என்பவர் வசித்து வருகிறார். இவர் நெல்லை சந்திப்பு மீனாட்சிபுரம் பெருமாள் ரத வீதியில் உள்ள ஒரு தனியார் மருத்துவமனையில் காவலாளியாக வேலை பார்த்து வருகிறார். இந்நிலையில் சுப்பிரமணியன் வழக்கம்போல் வேலைக்கு வந்துள்ளார். அதன்பின் அவர் மருத்துவமனையில் உள்ள ஒரு அறையில் தனது சட்டையை கழட்டி அதில் ரூ.2 ஆயிரத்தை வைத்துள்ளார். அதன்பின் சுப்பிரமணியன் சீருடையை அணிந்து கொண்டு பணியில் ஈடுபட்டுக் கொண்டிருந்தார். இதனையடுத்து சிறிது நேரம் கழித்து சுப்பிரமணியன் தனது சட்டைப் பையை பார்த்தபோது அதில் வைத்திருந்த ரூ.2 ஆயிரம் பணம் காணாமல் போனதை கண்டு அதிர்ச்சியடைந்துள்ளார்.
இது குறித்து சுப்பிரமணியன் நெல்லை டவுன் குற்றப்பிரிவு காவல்நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் விசாரணை நடத்தினர். அந்த விசாரணையில் தாழையூத்து பகுதியில் வசிக்கும் தங்கதுரை என்பவர் மருத்துவமனைக்கு சிகிச்சைக்கு வந்த போது சுப்ரமணியனின் சட்டையில் இருந்த ரூ.2 ஆயிரம் பணத்தை திருடிச் சென்றது காவல்துறையினருக்கு தெரியவந்துள்ளது. இதனையடுத்து காவல்துறையினர் சுப்பிரமணியனை கைது செய்ததோடு அவரிடமிருந்த ரூ.2 ஆயிரம் பணத்தையும் பறிமுதல் செய்தனர்.