பெகாசஸ் ஒட்டுகேட்பு மென்பொருள் இந்திய அரசுக்கு மட்டுமே விற்பனை செய்யப்பட்டதாகவும், தனியாருக்கு விற்பனை செய்யப்படவில்லை என்றும், இந்தியாவுக்கான இஸ்ரேல் தூதர் கிளென் விளக்கம் அளித்துள்ளார். பெகாசஸ் ஸ்பை வைபர் மென்பொருளை பயன்படுத்தி பத்திரிகையாளர்கள், அரசியல் தலைவர்கள், உள்ளிட்டவர்கள் உளவு பார்க்கப்பட்டது தொடர்பாக விசாரிக்க 3 பேர் கொண்ட நிபுணர் குழுவை உச்ச நீதிமன்றம் அமைத்துள்ளது. இந்நிலையில் புதிதாக நியமிக்கப்பட்டுள்ள இந்தியாவுக்கான இஸ்ரேல் நாட்டின் தூதர் நார்கிளென் மென்பொருள் குறித்து கருத்து தெரிவித்துள்ளார்.
அப்போது பெகாசஸ் மென்பொருள் தயாரிக்கும் NSO என்ற இஸ்ரேல் சேர்ந்த தனியார் நிறுவனம் ஒவ்வொரு ஏற்றுமதிக்கும் அரசின் அனுமதியை பெறுவதாக அவர் கூறியுள்ளார்.அந்த நிறுவனம் ஏற்றுமதி செய்யும் பொருட்களை அரசுகளுக்கு விற்பதாக இருந்தால் மட்டுமே தாங்கள் அனுமதிப்பதாகவும், இஸ்ரேல் நாட்டின் அனுமதி இன்றி தனியாருக்கு NSO நிறுவனம் விற்பனை செய்ய முடியாது என்றும், கிளென் தெளிவுபடுத்தியுள்ளார். இஸ்ரேல் தூதர் நார் கிளென் கூறிய இந்த கருத்தை மத்திய அரசுக்கு நெருக்கடியை அதிகரிக்கும் என கருதப்படுகிறது.