சென்னை எழும்பூரில் இருந்து தஞ்சை, கொல்லம், திருச்சி இடையே சிறப்பு ரயில்கள் இயக்கப்படுவதாக தெற்கு ரயில்வே அறிவித்துள்ளது.
தெற்கு ரயில்வே நிர்வாகம் சார்பில் நேற்று வெளியிட்டுள்ள அறிக்கையில் சென்னையிலிருந்து திருச்சி, தஞ்சை, கொல்லம் பகுதிகளுக்கு சிறப்பு ரயில்கள் வரும் 26ம் தேதி முதல் இயக்கப்பட உள்ளதாகவும் இதற்கான முன்பதிவுகள் 24ம் தேதி காலை 8 மணி முதல் தொடங்கும் என்றும் தெரிவிக்கப்பட்டுள்ளது. சென்னை எழும்பூரில் இருந்து அக்டோபர் 25-ஆம் தேதி மாலை 5 மணிக்கு புறப்படும் ரயில் மறுநாள் காலை 8.45க்கு கொள்ளும் சென்றடையும்.
கொல்லத்தில் இருந்து அக்டோபர் 26 ஆம் தேதி நண்பகல் 12 மணிக்கு புறப்படும் ரயில் மறுநாள் 3.5 மணிக்கு சென்னை எழும்பூர் வந்தடையும் என்றும் இது குறித்து முழு விபரங்களையும் ரயில்வே இணையதளத்தில் தெரிந்து கொள்ளலாம் என்றும் தெரிவிக்கப்பட்டுள்ளது.