தண்ணீரில் மூழ்கி வாலிபர் உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள ஆலடியூர் பகுதியில் அனந்தைய்யா என்பவர் வசித்து வருகிறார். இவருக்கு பேச்சிமுத்து என்ற மகன் இருந்துள்ளார். இவர் தனது வேலைகளை முடித்துவிட்டு ஆலடியூர் தாமிரபரணி ஆற்றுக்கு வழக்கம்போல் குளிக்க சென்றுள்ளார். இந்நிலையில் பேச்சிமுத்து குளித்து கொண்டிருக்கும் போது தண்ணீரில் திடீரென மூழ்கி காணாமல் போய்விட்டார். இதுகுறித்து அங்கிருந்தவர்கள் விக்கிரமசிங்கபுரம் காவல் துறையினரிடம் தகவல் தெரிவித்துள்ளனர். அந்த தகவலின்படி காவல்துறையினர் தீயணைப்பு வீரர்களுடன் சம்பவ இடத்திற்கு விரைந்து சென்றனர்.
அதன்பின் தீயணைப்பு வீரர்கள் ஆற்றில் இறங்கி பேச்சிமுத்தை தீவிரமாக தேடும் பணியில் ஈடுபட்டுள்ளனர். இதனையடுத்து நீண்ட நேர போராட்டத்திற்கு பிறகு தீயணைப்புத்துறையினர் பேச்சிமுத்தின் சடலத்தை மீட்டுள்ளனர். அதன்பின் காவல்துறையினர் பேச்சிமுத்தின் சடலத்தை அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்