தனுஷ் நடிப்பில் இந்த ஆண்டு மாறன், திருச்சிற்றம்பலம், நானே வருவேன் போன்ற திரைப்படங்கள் வந்தது. மேலும் “த கிரேமேன்” என்ற ஹாலிவுட் திரைப்படமும் வெளியாகியது. இப்போது தமிழ், தெலுங்கில் தயாராகியுள்ள “வாத்தி” திரைப்படத்தில் நடித்து முடித்திருக்கிறார். இதையடுத்து அருண் மாதேஸ்வரன் இயக்கும் “கேப்டன் மில்லர்” திரைப்படத்தில் தனுஷ் நடிக்கிறார். இவற்றில் தனுஷ் ஜோடியாக பிரியங்கா மோகன் நடிக்கிறார்.
இப்படத்துக்கு பின் சேகர் கம்முலா இயக்கத்தில் உருவாகவுள்ள சரித்திர கதை அம்சம் உள்ள திரைப்படத்தில் தனுஷ் நடிக்க இருக்கிறார். இந்த திரைப்படம் தமிழ், தெலுங்கு, கன்னடம், மலையாளம், இந்தி மொழிகளில் பான் இந்தியா படமாக உருவாக இருக்கிறது. இப்படத்தில் தனுசுக்கு வில்லனாக நடிக்க சஞ்சய்தத்திடம் படக் குழுவினர் பேசிவருவதாக தகவல் வெளியாகி இருக்கிறது. இதனிடையில் இந்த படத்தில் நடிக்க சஞ்சய்தத் ரூபாய்.10 கோடி சம்பளம் கேட்டதாக கூறப்படுகிறது. முன்னதாக சஞ்சய்தத் கே.ஜி.எப் 2ஆம் பாகம் படத்தில் வில்லன் வேடத்தில் மிரட்டியிருந்தார்.