இந்தியா – தென் ஆப்பிரிக்கா அணிகளுக்கு இடையேயான ஒருநாள் போட்டிமழையினால் ரத்து செய்யப்பட்டுள்ளது.
தென் ஆப்பிரிக்க அணி இந்தியாவில் சுற்றுப்பயணம் மேற்கொண்டு 3 போட்டிகள் கொண்ட ஒருநாள் தொடரில் பங்கேற்று விளையாடுகிறது. இந்நிலையில் இந்தியா மற்றும் தென்னாப்பிரிக்கா அணிகளுக்கு இடையே இமாச்சலப்பிரதேசம் தர்மசாலாவில் முதல் ஒருநாள் போட்டி மதியம் 1: 30 மணிக்கு நடைபெறுவதாக இருந்தது. ஆனால் மழை பெய்ததன் காரணமாக டாஸ் போடப்படாமல் நிறுத்தி வைக்கப்பட்டது.
இதையடுத்து போட்டி மாலை 6: 30 மணிக்கு நடைபெறும் எனவும், 50 ஓவர் போட்டி 30 ஓவர் குறைக்கப்பட்டு 20 ஓவராக மாற்றப்பட்டுள்ளது என்றும் பிசிசிஐ தெரிவித்திருந்தது. இந்நிலையில் தற்போது வரை மழை விடாமல் பெய்து வருவதன் காரணமாக இந்தியா – தென் ஆப்பிரிக்கா அணிகளுக்கு இடையேயான ஒருநாள் போட்டி ரத்து செய்யப்பட்டுள்ளது. மழையினால் போட்டி ரத்து செய்யப்பட்டுள்ளதால் மைதானத்திற்கு வந்திருந்த ரசிகர்கள் ஏமாற்றத்துடன் வீடு திரும்புகின்றனர்.
The 1st ODI between India and South Africa has been abandoned due to rains.#INDvSA pic.twitter.com/Oc5iO6q9dj
— BCCI (@BCCI) March 12, 2020