தமிழ் சினிமாவில் முன்னணி நடிகராக வலம் வரும் தனுஷ் தற்போது பாலிவுட், ஹாலிவுட் சினிமாக்களிலும் கலக்கி வருகிறார். இவர் தற்போது வாத்தி என்ற திரைப்படத்தின் மூலம் தெலுங்கிலும் நேரடியாக அறிமுகமாக இருக்கிறார். இப்படத்தை தெலுங்கு இயக்குனர் வெங்கி அட்லூரி இயக்கியுள்ளார். இந்த படம் அடுத்த வருடம் பிப்ரவரி 7-ம் தேதி திரையரங்குகளில் ரிலீஸ் ஆகிறது. நடிகர் தனுஷ் தற்போது அருண் மாதேஸ்வரன் இயக்கத்தில் கேப்டன் மில்லர் என்ற திரைப்படத்தில் நடித்து வருகிறார்.
இந்த படத்தின் சூட்டிங் விறுவிறுப்பாக நடைபெற்று வரும் நிலையில், தனுஷ் மற்றொரு புதிய படத்தில் நடிப்பதற்கு கம்மிட் ஆகியுள்ளார். இந்நிலையில் நடிகர் தனுஷ் நடிக்கும் புதிய படத்தின் பூஜை ஹைதராபாத்தில் சிறப்பாக நடைபெற்றுள்ளது. இந்த படத்தை தெலுங்கு இயக்குனர் சேகர் கம்முலா இயக்க இருக்கிறார். இந்த படம் தமிழ், தெலுங்கு மற்றும் ஹிந்தி ஆகிய மொழிகளில் உருவாக இருக்கும் நிலையில், படத்தின் மற்ற நடிகர்கள் குறித்த அறிவிப்பு விரைவில் வெளியாகும் என்று கூறப்பட்டுள்ளது. மேலும் படத்தின் பூஜையின் போது எடுக்கப்பட்ட புகைப்படமானது தற்போது வலைதளத்தில் வைரலாகி வருகிறது.
