ஐஎஸ் பயங்கரவாதிகளால் ஈராக்கில் கொலை செய்யப்பட்டு புதைக்கப்பட்ட உடல்கள் தற்போது கண்டெடுக்கப்பட்டு வருகிறது.
ஐஎஸ் பயங்கரவாதிகள் ஈராக்கில் ஆதிக்கம் செலுத்தி வந்த போது சுமார் நூற்றுக்கும் மேற்பட்ட மக்களை அங்கு கொன்று புதைத்துள்ளனர். தற்போது அக்கு புதைக்கப்பட்ட உடல்கள் அனைத்தும் கண்டுபிடிக்கப்பட்டு வருகிறது. ஈராக்கில் ஐஎஸ் பயங்கரவாதிகளால் 200 இடங்களில் அதிகளவில் மக்கள் கொன்று புதைக்கப்பட்டுள்ளனர். அதில் தற்போது 12 ஆயிரம் பேரின் உடல் பாகங்கள் தோண்டி எடுக்கப்பட்டுள்ளதாக தகவல் தெரிவிக்கப்பட்டுள்ளது. மேலும் ஐஎஸ் பயங்கரவாதிகளால் கொலை செய்யப்பட்ட 123 பேருடைய உடல்கள் ஈராக்கில் உள்ள முசோல் மாகாணத்தில் கண்டு பிடிக்கப்பட்டுள்ளது.
அதோடு மட்டுமல்லாமல் இந்த ஐஎஸ் பயங்கரவாதிகள் முசோல் மாகாணத்தில் உள்ள படோஸ் நகர சிறைச்சாலைக்குள் கடந்த 2014-ஆம் ஆண்டு அத்துமீறி நுழைந்து அங்குள்ள சிறைக் கைதிகளில் 600-க்கும் மேற்பட்டவர்களை கொன்று குவித்துள்ளனர். அதில் ஷியா முஸ்லிம்கள் பெரும்பாலானோர் என்று கூறப்படுகிறது. மேலும் அவர்கள் கொலை செய்த உடல்கள் அனைத்தையும் அப்பகுதியிலேயே புதைத்து விட்டுச் சென்றுள்ளனர்.
அவை தற்போது தோண்டி எடுக்கப்பட்டு வருகிறது. அந்த வகையில் இதுவரை சுமார் 123 பேருடைய உடல்கள் தோண்டி எடுக்கப்பட்டுள்ளது. அதனைத் தொடர்ந்து அதிகாரிகள், தோண்டி எடுக்கப்பட்ட உடல்களை டிஎன்ஏ ஆய்வுக்கு உட்படுத்தி அவர்கள் யார் ? அவர்களுடைய உறவினர்கள் யார் ? என்பது குறித்து விசாரணை மேற்கொள்ள திட்டமிட்டுள்ளதாக தகவல்கள் வெளியாகியுள்ளது.