இது யாரா இருக்கும்…? கடற்கரையில் கிடந்த சடலம்… காவல்துறையினரின் தீவிர விசாரணை…!!

கடற்கரையில் 80 வயது முதியவரின் சடலம் கிடந்த சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.

காஞ்சிபுரம் மாவட்டத்தில் உள்ள நெம்மேலி குப்பம் கிராமப் பகுதியின் அருகில் இருக்கும் கடற்கரையில் 80 வயதுடைய முதியவரின் சடலம் கிடந்துள்ளது. இதனை பார்த்ததும் அதிர்ச்சி அடைந்த கிராமமக்கள்    நெல்லிக்குப்பம் கிராம நிர்வாக அதிகாரியிடம் தகவல் தெரிவித்துள்ளனர்.

இதனை அடுத்து கிராம நிர்வாக அதிகாரி மாமல்லபுரம் காவல் நிலையத்தில் புகார் கொடுத்துள்ளார். அந்தப் புகாரின் பேரில் காவல்துறையினர் சம்பவ இடத்திற்கு விரைந்து சென்று முதியவரின் சடலத்தை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் முதியவரின் விவரம் குறித்து தீவிர விசாரணை மேற்கொண்டு வருகின்றனர்.