ராமநாதபுரம் மாவட்டத்தில் இருசக்கர வாகனத்தை திருடிய 2 இளைஞர்களை போலீசார் கைது செய்து விசாரணை நடத்தி வருகின்றனர்.
ராமநாதபுரம் மாவட்டம் பரமக்குடியில் உள்ள பாரதிநகரில் உமேஷ்குமார்(21) என்பவர் வசித்து வந்துள்ளார். இந்நிலையில் இவர் வீட்டிற்கு அருகே நிறுத்தி வைத்திருந்த இருசக்கர வாகனத்தை மர்மநபர்கள் சிலர் திருடி சென்றுள்ளனர். இதுகுறித்து உமேஷ்குமார் பரமக்குடி காவல்நிலையத்தில் புகார் அளித்துள்ளார். இதனையடுத்து காவல்துறையினர் உமேஷ்குமாரின் வீட்டிற்கு அருகே உள்ள சிசிடிவி காட்சிகளை வைத்து விசாரணை நடத்தியுள்ளனர்.
அந்த விசாரணையில் இருசக்கர வாகனத்தை திருடியது மதுரையை சேர்ந்த ஜெயக்குமார்(21) மற்றும் தினேஷ்குமார்(20) என்பது போலீசாருக்கு தெரியவந்துள்ளது. இதனைத்தொடர்ந்து காவல்துறையினர் உமேஷ்குமாரின் இருசக்கர வாகனத்தை மீட்டு அவரிடம் ஒப்படைத்துள்ளனர். மேலும் திருடிய இளைஞர்களை கைது செய்து விசாரணை நடத்தி வருகின்றனர்.