கொரோனா வைரஸ் தாக்கத்தால் ஸ்பெயினில் மட்டும் கடந்த 24 மணி நேரத்தில் 546 பேர் மரணமடைந்தது சோகத்தை ஏற்படுத்தியுள்ளது.
கடந்த டிசம்பர் மாதம் சீனாவின் ஹூபேய் மாகாணத்தின் வுகான் நகரில் கண்டுபிடிக்கப்பட்ட கொரோனா வைரஸ் தற்போது உலகின் 198 நாடுகளில் பரவி கதிகலங்க வைத்துள்ளது. இந்த வைரஸ் கொடூர தாக்குதலின் வீரியம் நாளுக்கு நாள் அதிகரித்துக்கொண்டே செல்வதாலும், இதற்கு மருந்து கண்டுபிடிக்க முடியாமல் இருப்பதாலும் உலக நாடுகள் இதனை கட்டுப்படுத்த முடியாமல் திணறி வருகின்றனர்.
நாளுக்கு நாள் பலி எண்ணிக்கையும் , பாதிக்கப்பட்டோரின் எண்ணிக்கையும் அதிகரித்துக் கொண்டே செல்கின்றது. உலகளவில் கொரோனா வைரஸ் தாக்கத்தால் 683,937 பேர் பாதித்துள்ளனர். 146,400 பேர் குணமடைந்த நிலையில் 32,165 பேர் உயிரிழந்துள்ளனர். 505,372 பேர் சிகிச்சை பெற்று வரும் நிலையில் 25,426 பேர் இக்கட்டான நிலையில் இருந்து வருகின்றனர்.
கொரோனா வைரசால் தாக்கத்தால் கடந்த 24 மணிநேரத்தில் மட்டும் 546 பேரை இழந்து தவிக்கும் ஸ்பெயின் கதறி வருகின்றது. ஸ்பெயினில் மட்டும் இதுவரை 6,528 பேர் பலியாகியுள்ள நிலையில் 78,797 பேர் கொரோனா பாதிக்கப்பட்டு சிகிச்சை பெற்று வருகின்றனர். இதில் 14,709 பேர் குணமடைந்து வீடு திரும்பினாலும், 57,560 பேர் சிகிச்சை பெற்று வருகின்றனர். இதில் 4,165 பேர் மிகவும் மோசமான நிலையில் இருக்கின்றனர்.