தமிழ் சினிமாவில் சித்திரம் பேசுதடி என்ற திரைப்படத்தின் மூலம் இயக்குனராக அறிமுகமானவர் மிஷ்கின். இவர் தன்னுடைய வித்தியாசமான திரைப்படங்களின் மூலம் ரசிகர்கள் மத்தியில் தனக்கென தனி இடத்தை பிடித்துள்ளார். இவர் இயக்கத்தில் வெளியான ஓநாயும் ஆட்டுக்குட்டியும் என்ற திரைப்படத்திற்கு தேசிய விருது கிடைத்தது. இவர் நடிகர் ஜீவாவை வைத்து முகமூடி என்ற திரைப்படத்தை இயக்கிய நிலையில் அந்த படம் ரசிகர்களை கவரவில்லை.
இதுதான் தமிழ் சினிமாவின் முதல் சூப்பர் ஹீரோ படம் ஆகும். இந்நிலையில் ஒரு பேட்டியில் இயக்குனர் மிஷ்கின் முகமூடி படம் குறித்து பேசியுள்ளார். அவர் பேசியதாவது, நான் சூப்பர் ஹீரோ படம் இயக்கும்போது நோலன் ராஸ்கல் டார்க் நைட் படத்தை ரிலீஸ் செய்துவிட்டான். இதனால்தான் என்னுடைய பட மக்களுக்கு சிறிதாக தெரிந்து விட்டது என்று கூறியுள்ளார். மேலும் டார்க் நைட் படம் ரிலீஸ் ஆவதற்கு முன்பாகவே முகமூடி படத்தின் கதையை தான் யோசித்ததாகவு,ம் ஆனால் சில காரணங்களால் ஷூட்டிங் தள்ளி போனதாகவும் கூறியுள்ளார்.