சிறுமியை கடித்த நாய்.. காயத்துடன் காவல் நிலையத்தில் புகார்..!!!

நாய் கடித்த சிறுமியுடன் பெற்றோர்கள் காவல் நிலையத்தில் புகார் கொடுத்துள்ளார்கள்.

திருப்பத்தூர் மாவட்டத்தில் உள்ள ஜோலார்பேட்டையில் நாய்கள் தொல்லை அதிகரித்து வருகின்றது. இந்த நிலையில் வக்கணம்பட்டி பகுதியைச் சேர்ந்த சிவகுமார் என்பவரின் 7 வயது மகள் நேற்று முன்தினம் பள்ளிக்கு சென்று விட்டு பெற்றோருடன் சந்தைகோடியூர் பகுதியில் இருக்கும் கடைக்கு சென்று கொண்டிருந்தார்.

அப்போது அப்பகுதியில் சுற்றித்திரிந்த நாய் சிறுமியின் கையை கடித்தது. இதை தொடர்ந்து சிறுமியை பெற்றோர்கள் அரசு ஆரம்ப சுகாதார மருத்துவமனைக்கு அழைத்துச் சென்று சிகிச்சை பெற வைத்தார்கள். இதன் பின்னர் காயத்துடன் தனது மகளை ஜோலார்பேட்டை காவல் நிலையத்திற்கு அழைத்துச் சென்று சுற்றித்திரியும் நாய்களைப் பிடித்து அப்புறப்படுத்த கோரி புகார் கொடுத்தனர்.