சிம்ரனின் மறுமுகத்தைக்காண ரசிகர்கள் ஆவலாக காத்துக் கொண்டிருக்கின்றனர்.
தமிழ் சினிமாவில் 90களில் முன்னணி நடிகையாக இருந்தவர் நடிகை சிம்ரன். இவருக்கு இடுப்பழகி என்ற சிறப்புப் பெயரும் உண்டு. இவர் தமிழில் மட்டுமன்றி தெலுங்கு, மலையாளம், இந்தி, கன்னடம், உள்ளிட்ட பிற மொழி படங்களிலும் ஹீரோயினாக நடித்துள்ளார். சொல்லப்போனால் 2000 ஆண்டுகளில் இவரை கனவுக்கன்னி என்றே சொல்லி வந்தனர்.
அதன்பிறகு இவர் தனது நீண்ட நாள் நண்பர் ஒருவரை திருமணம் செய்து கொண்டார். இதைத்தொடர்ந்து சினிமாவிலிருந்து சில நாட்கள் விலகி இருந்தார். தற்போது இவர் சினிமாவுக்கு ரீ-என்ட்ரி கொடுத்துள்ளார். ஆனால் இவருக்கு ஹீரோயினாக நடிக்க வாய்ப்பு கிடைக்கவில்லை. இந்நிலையில் சீமராஜா படத்தில் வில்லியாக நடித்து தன்னால் இப்படியும் நடிக்க முடியும் என்று காட்டியுள்ளார்.
ஆகையால் இவருக்கு தற்போது வில்லி கதாபாத்திர படங்கள் குவிந்து வருகிறது. அந்த வகையில் தமிழில் ரீமேக்காகும் “அந்தகன்” படத்திலும் இவர் வில்லியாக நடிக்க ஒப்புக் கொண்டுள்ளார். கணவரை கொலை செய்யத் துடிக்கும் மனைவியாக இப்படத்தில் இவர் நடிக்க உள்ளாராம். எனவே சிம்ரனின் மறு முகத்தைப் பார்ப்பதற்கு ரசிகர்கள் ஆவலாக காத்துக் கொண்டிருக்கின்றனர்.