கமலின் ‘விக்ரம்’ திரைப்படத்தில் இணைந்திருந்த முக்கிய பிரபலம் விலகியதாக தகவல் வெளியாகி உள்ளது.
தமிழ் சினிமாவில் முன்னணி நடிகராக வலம் வரும் கமல் நடிப்பில் தற்போது விக்ரம் எனும் திரைப்படம் உருவாக உள்ளது. லோகேஷ் கனகராஜ் இயக்கும் இப்படத்தை கமலின் ராஜ்கமல் பிலிம்ஸ் நிறுவனம் தயாரிக்க இருக்கிறது. மேலும் அனிருத் இசையமைக்கும் இப்படத்தில் மலையாள பிரபல நடிகர் பகத் பாசில் முக்கிய கதாபாத்திரத்தில் நடிக்க இருக்கிறார் என்று ஏற்கனவே தகவல் வெளியாகி உள்ளது.
இன்னிலையில் இப்படத்தில் இணைந்திருந்த முக்கிய தொழில்நுட்ப கலைஞர் இப்படத்தில் இருந்து விலகியதாக தகவல் வெளியாகி உள்ளது. அதன்படி இப்படத்தில் இணைந்திருந்த ஒளிப்பதிவாளர் சத்யம் சூரியன் கால்ஷீட் பிரச்சனை காரணமாக இப்படத்தில் இருந்து விலகியுள்ளார்.அவருக்கு பதில் சர்க்கார் படத்தில் பணியாற்றிய கிருஷ் கங்காதரன் இப்படத்தில் ஒப்பந்தமாகியுள்ளார்.
